facebook  Instagram logo  

E-mail: info@noyantapan.am

  • SCHNEIDER
    SCHNEIDER
  • ERICHKRAUSE
    ERICHKRAUSE
  • PAPERS
  • DAN-MARK
    DAN-MARK
  • DAN-MARK
    DAN-MARK
  • Pentel
    Pentel

КОРЗИНА

0 Товары - 0.00 AMD
В корзину
Категория: News

Հոկտեմբերի 14-ին «Նոյյան տապան» գրախանութում տեղի ունեցավ «Գրեգիրք» ժողովածուի

շնորհանդեսը: Տասնմեկ տարի շարունակ «Գրեթերթ»-ում տպագրվող երիտասարդ

հեղինակների ստեղծագործություններն ամփոփվել են հենց այս գրքում։

 

«Ոչ այնքան ստեղծագործությունների ներկայացում է այս գիրքը, որքան մի սերնդի։ Այս գիրքը պատասխանն է այն հարցի, թե ովքեր են 2000-ականներին մտել գրականություն։ 70 հեղինակի գործ կա, նրանցից առնվազն 20-ն այսօր գրական դաշտում անուն ունեցող, միտումներ թելադրող հեղինակներ են՝ թե՛ արձակում, թե՛ պոեզիայում, թե՛ գրականագիտության մեջ։ Գիրքն ամփոփում է 2006-2017թթ «Գրեթերթ»-ում տպագրված ստեղծագործությունները»,- ասաց գրականագետ, «Գրեգիրք» ժողովածուի խմբագիր Արքմենիկ Նիկողոսյանը։

Գուրգեն Խանջյանն էլ իր հերթին նոր հեղինակներին մաղթեց ուժ, համբերություն, եռանդ՝ նկատելով, որ գրականության ծանրությունը կամաց-կամաց տեղափոխվում է նրանց ուսերին. «Այնպես որ, պնդացե՛ք, ժողովուրդ ջան»,- ասաց նա:

 «ԳՐԵգրքի» հեղինակներից ոչ բոլորն էին ներկա շնորհանդեսին: Արքմենիկ Նիկողոսյանը կես կատակ, կես լուրջ նկատեց՝ գրքի հրատարակմանն ու ճանաչվածությանը հաջորդում են մեծամտությունը, կամ ունենում ենք արտագաղթած գրողներ, որոնք չափում են Ամերիկայի, Ռուսաստանի և Ֆրանսիայի տափաստանները: 

 

Միջոցառմանը ներկա հեղինակներից էր գրականագետ Հայկ Համբարձումյանը, ով իր խոսքում անդրադարձավ գրքի նշանակությանը. «Ես հասկացա, որ ժողովածուն մեր կյանքի շատ կարևոր, հետաքրքիր ու սիրելի փուլ է ամփոփում, որը մենք հիմա նոստալգիայով հիշում ենք հաճախ: Դա մի շրջան էր, երբ գրականագիտական խոսքն արժեք ուներ, գուցե ավելի շատ, քան այսօր...»:

«Նոյյան տապանն» անակնկալ էր պատրաստել հյուրերի համար. գրեթերթականների լուսանկարները հայտնվել էին գրախանութի սրահներից մեկում, որտեղ էլ լուսանկարիչ Նարեկ Ալեքսանյանը բոլորին սիրով լուսանկարեց:

 Հավելենք, որ գիրքը հրատարակվել է ՀՀ մշակույթի նախարարության աջակցությամբ: Սա լավ առիթ է` «այսօր հայ գրականություն չկա» ասելու փոխարեն գիրք գնելու և հայ հեղինակների գործերին ծանոթանալու:

 

 

КОНТАКТЫ

РА, 0010, г. Ереван, Абовяна 8

тел. +374 (12) 505-505

       +374 (93) 568-184

       +374 (95) 568-184

       +374 (91) 568-184

 

 

ПРИНИМАЕМ

      

Мы принимаем к оплате наличными, банковским переводом, кредитные карты ARCA, VISA, Maestro, MasterCard, American Express.

ЧАСЫ РАБОТЫ

Пн.-Воск.: 10:00 - 20:00 (Абовяна 8)

 

КАК ДОЙТИ