facebook  Instagram logo  

E-mail: info@noyantapan.am

STATIONERY

BOOKS

GAMES

CARDS

SHOP CART

0 Products - 0.00 AMD
Go to cart

ONLINE CONSULTANT


Consultant online!

IMPORTANT TO KNOW

The catalog contains only products that are in great demand.

You can get acquainted with the full range of products in our store.

Category: News

7248

«Նոյյան Տապան» գրատունը շարունակում է «Քաղաքում քայլողը» բացառիկ նախագծի շրջանակում ներկայացնել հետաքրքիր մարդկանց, ովքեր քայլում, ապրում եւ ստեղծագործում են մեր քաղաքում: Այդպիսով նախագիծն ինքնին նաեւ ճանաչողական բնույթ է կրում:

Նախագծի հյուրն այս անգամ «Քաղաքում քայլող» Ալեքսանդր Սարգսյանն է, ով «Հունձք» ավանդական պարի խմբի գեղարվեստական ղեկավարն է:

Ալեքսանդր Սարգսյանը ծննդով Ջավախքից է, մինչեւ 8-րդ դասարանը սովորել է ռուսական դպրոցում, սակայն հետագայում տեղափոխվելով Երեւան՝ կրթությունը շարունակել է հայկական դպրոցում: Հայաստան տեղափոխվելն ու կրթությունը հայկական դպրոցում շարունակելը նպաստել են, որպեսզի նա մոտենա հայկական մշակույթին եւ առհասարակ այն ամենին, ինչը հայկական է: 

Սիրելի գրողներն են Եղիշե Չարենցը, Համո Սահյանը եւ Դանիել Վարուժանը: Արտասահմանյան գրականությունից էլ նախապատվությունը տալիս է Ջոկ Լոնդոնին:

Խոսելով պարի նկատմամբ հետաքրքրության առաջացման մասին՝ Ալեքսանդրը նշեց, որ հետաքրքրությունն առաջացել է այն ժամանակ, երբ ծանոթացել է Գագիկ Գինոսյանի արվեստի հետ, իսկ հետո նաեւ իրականացրել իր երազանքը՝ պարել «Կարին»-ում: «Պարն իմ կյանքն իսկապես փոխեց, կարելի է ասել՝ կյանքս կապվեց պարի հետ»,- նշեց նա:

Նրա խոսքով՝ չնայած ընտրել էր մաթեմատիկի մասնագիտությունը, սակայն, ինչպես ինքն է նշում, պարն առավել ուժեղ է գտնվել: Այդ ընտրության համար ամենեւին էլ չի զղջացել, այլ հակառակը՝ փորձել է ամեն ինչ անել, որպեսզի անգամ ունենա իր խումբը: Ի վերջո, այդ երազանքը եւս իրականություն է դարձել. 2015 թվականին ստեղծել է «Հունձք» պարի խումբը։ 

Այն հարցին, թե ինչն է առավել շատ սիրում Երեւանում, Ալեքսանդրը նշեց. «Ամենաշատը հենց սկզբից սիրել եմ հրապարակի գունավոր ու երգող շատրվանները, քանի որ դրանք տպավորիչ են ինձ համար։ Սիրում եմ նաեւ ցայտաղբյուրները, որոնք մեր քաղաքում շատ են եւ քաղաքին յուրահատկություն են հաղորդում: Սակայն շատ կցանկանայի, որ պահպանվի Երեւանի մշակույթը, որը կարծես վերանում է»:

Ապագայի տեսլականի մասին հյուրը, սակայն, դժվարացավ խոսել, բայց նշեց, որ իր ապագան տեսնում է այստեղ՝ չնայած դժվարություններին, քանի որ այստեղ նրա աշխատանքն է, ընկերները եւ այն ամենը, ինչը սիրում է ու ինչը հոգեհարազատ է իրեն:

Նշենք, որ հանդիպման ընթացքում ներկաները նաեւ իրենց հարցերը հղեցին Ալեքսանդրին, ինչպես նաեւ նրան գրքեր նվիրեցին:

CONTACTS

 Republik of Armenia, Yerevan, Abovyan 8

tel.՝ +374 (12)-505-505,

       +374 (93)-568 -184

       +374 (91)-568-184

       +374 (95)-568-184



 

PAYMENTS

      

We accept payments by cash, bank transfer, Arca, Visa, Maestro, MasterCard, American Express credit cards.

WORKDAY

Monday-sunday: 10:00-20:00(Abovyan 8)

HOW TO GET