facebook  Instagram logo  

E-mail: info@noyantapan.am

  • PENTEL
    PENTEL
  • SCHNEIDER
    SCHNEIDER
  • ERICHKRAUSE
    ERICHKRAUSE
  • PAPERS
  • DAN-MARK
    DAN-MARK

SHOP CART

0 Products - 0.00 AMD
Go to cart

7004

«Նոյյան Տապան» գրատունը նոր ու բացառիկ նախագիծ է սկսել, որը կրում է «Քաղաքում քայլողը» խորագիրը:

 Նախագծի նպատակն է ճանաչել ու իմանալ այն հետաքրքիր մարդկանց, ովքեր քայլում, ապրում ու ստեղծագործում են մեր քաղաքում:   

19 1

Նախագծի մեկնարկը տրվեց ապրիլի 19-ին, իսկ առաջին հյուրը «Քաղաքում քայլող» Անի Յավրենցն է, ով մասնագիտությամբ լեզվաբան է: Նա քայլում, մտածում, լացում, գոռում ու ապրում է մեր քաղաքում: 

19 2

Անին գիրք է գրում մեր քաղաքի մասին, որը, սակայն, ինչպես ինքն է նշում, կհրատարակվի այն ժամանակ, երբ զգա, որ պատրաստ է հասարակությանը ներկայացնել որակյալ գրականություն։

19 3

«Ինձ միշտ մեկ հարց է հետաքրքրել. արդյո՞ք քաղաքը միայն բնակավայր է, որտեղ մենք ապրում ենք, եւ առհասարակ արդյո՞ք այն ունի սահմանում: Քաղաքի մասին խոսելը մի փոքր դժվար է հատկապես այն դեպքում, երբ նրա մասին շատերն են խոսել, դրա մասին խոսվել է գրողների ստեղծագործություններում, որտեղ լրիվ այլ նկարագիր է տրվում, որը մեր ժամանակաշրջանին երբեմն չի համապատասխանում»,- նշում է Անի Յավրենցը:

19 4

Նա իր գրքում փորձել է ներկայացնել այն քաղաքը, որն ինքը պատկերացնում է, որն իր ներսում է, ինչպես նաեւ փորձում իր բողոքի ձայնը բարձրացնել որոշ երեւույթների մասին: 

19 5

Երիտասարդ գրողը համոզված է, որ գրականությունը հզոր գործիք է, իսկ քաղաքի մասին գրականությամբ խոսելը՝ լավագույն տարբերակը, որպեսզի խոսքը տեղ հասնի, որպեսզի հնարավոր լինի որեւէ բան փոխել: Հասարակությունն այդպիսով կարող է ինտեգրվել, ծանոթանալ այդ ամենի հետ: Գրքում ներկայացրած կերպարները հավաքական կերպարներ են, սակայն՝ ինքնամփոփ: 

19 6

«Ես կարող եմ մեկ բան հաստատ ասել. այն, որ ես ցանկանում եմ գրող լինել, լինել գրականության մի մասը, ստեղծել որակյալ գրականություն: Սակայն կարծում եմ, որ մենք այսօր չունենք որակյալ գրականության պակաս, այլ առավել շատ հասարակության վստահության պակաս կա»,- ասաց նա: 

19 7

Նշենք, որ հանդիպման ընթացքում տեղի ունեցան նաեւ քննարկում եւ կարծիքների փոխանակում:

hamo sahyan 810x548 

Համո Սահյանը ծնվել է 1914 թվականի ապրիլի 14-ին Սիսիանի շրջանի (այժմ՝ Սյունիքի մարզ) Լոր գյուղում։ 1927 թվականին Հ. Սահյանը տեղափոխվել է Բաքու, որտեղ ստացել է միջնակարգ կրթություն։ 1939 թվականին ավարտել է Բաքվի մանկավարժական ինստիտուտի հայկական բաժանմունքը։ Մասնակցել է նաև Հայրենական մեծ պատերազմին (1941–1945 թթ.)։

Աշխատել է մի շարք թերթերում և ամսագրերում, որոնց թվում Բաքվի «Խորհրդային գրող» ամսագրում, «Կոմունիստ» և «Ավանգարդ» թերթերում, «Ոզնի» հանդեսում։ 1965-1967 թվականներին եղել է «Գրական թերթի» գլխավոր խմբագիրը։


Հ. Սահյանի բանաստեղծությունները տպագրվել են դեռևս 30-ական թվականներից, սակայն նա համընդհանուր ճանաչման է արժանացել ռազմաճակատում գրած «Նաիրյան դալար բարդի» բանաստեղծությամբ, որը հատկանշվում է Հայաստան երկրի հանդեպ կարոտի հուզական բռնկումով և անմիջականությամբ։


Համո Սահյանի առաջին գիրքը՝ «Որոտանի եզերքին» բանաստեղծությունների ժողովածուն տպագրվել է 1946 թվականին։ Այստեղ դրսևորվում էր Սահյանի բանաստեղծական ընդհանուր ուղղվածությունը՝ սեր հայրենի բնաշխարհի ու մարդու նկատմամբ։ Հաջորդ՝ «Առագաստ», «Սլացքի մեջ», «Ծիածանը տափաստանում», «Բարձունքի վրա» , «Նաիրյան դալար բարդի» ժողովածուներում ավելի է ընդլայնվում Համո Սահյանի պոեզիայի թեմատիկ ընդգրկումը։


Համո Սահյանի ստեղծագործությունների թեմատիկայի մաս է կազմում նաև Հայաստանը․
1972 թվականին լույս է տեսնում Սահյանի «Սեզամ, բացվիր» ժողովածուն, որի համար 1975 թվականին նա արժանանում է պետական մրցանակի։ 1977 թվականին տպագրվում է նրա «Իրիկնահաց», 1980 թվականին՝ «Կանաչ, կարմիր աշուն», 1986 թվականին՝ «Դաղձի ծաղիկ» ժողովածուները։
Մահացել է 1993 թվականի հուլիսի 17-ին Երևանում։

 

CONTACTS

 Republik of Armenia, Yerevan, Abovyan 8

tel.՝ +374 (12)-505-505,

       +374 (93)-568 -184

       +374 (91)-568-184

       +374 (95)-568-184



 

PAYMENTS

      

We accept payments by cash, bank transfer, Arca, Visa, Maestro, MasterCard, American Express credit cards.

WORKDAY

Monday-sunday: 10:00-20:00(Abovyan 8)

HOW TO GET